ٹرمپ کے بھارت کو جہنم جیسی جگہ کہنے پر کانگریس بھی سیخ پا، مودی کو کھری کھری سنادیں ٹرمپ بارہا بھارت کے بارے میں توہین آمیز ریمارکس کرچکے ہیں لیکن مودی خاموش رہے، نریندر مودی ایک کمزور وزیر اعظم ہیں، پورا ملک اس کا خمیازہ بھگت رہا ہے؛ بھارتی اپوزیشن جماعت کا ردعمل
امریکی صدر ڈونلڈ ٹرمپ کے بھارتیوں کو برا بھلا کہنے پر انڈین اپوزیشن جماعت کانگریس بھی سیخ پا ہوگئی۔ تفصیلات کے مطابق امریکی صدر ڈونلڈ ٹرمپ کی بھارتیوں سے ناراضگی برقرار ہے اور اب انہوں نے بھارت کو جہنم جیسی جگہ کہہ دیا، اپنے سوشل میڈیا پلیٹ فارم ٹروتھ سوشل پر جاری ایک بیان میں انہوں نے کہا کہ آج کی بحث ان دلائل کے بارے میں ہوگی جو میں نے سپریم کورٹ کے سامنے پیدائشی حق شہریت کے بارے میں سنے، دلائل سن کر مجھے کچھ غصہ آیا، میرے لیے کافی قابل توجہ یہ تھا کہ وہ شخص امریکہ کو غیر قانونی غیر ملکیوں کے ساتھ آباد کرنے کے حق میں دلائل پیش کرتا ہے تاکہ آبادی کو ہمیشہ کے لیے تبدیل کیا جا سکے وہ ایک چینی امریکی تھا، جو مجھے بہت ہوشیار، بہت شریر اور بہت منحرف لگتا ہے۔ صدر ٹرمپ کا کہنا ہے کہ یہ اٹارنی سانپ کا سر ہے، جو پھر سے امریکہ کو سیس پول میں تبدیل کرنے کی کوشش کر رہے تھے، مسئلہ یہ ہے کہ آئین ہوائی سفر سے پہلے لکھا گیا تھا، یہ کہنے کی ضرورت نہیں کہ ٹیلی ویژن سے پہلے، انٹرنیٹ سے پہلے، ریڈیو سے پہلے، اور آپ یہ کہہ سکتے ہیں کہ جب لوگ حمل کے نویں مہینے میں ہوائی جہاز کے ذریعے یہاں آتے ہیں تو ان میں...